Kreu i Koresë së Veriut Kim Jong-un ka marrë një letër personale nga Presidenti i SHBA, Donald Trump, sipas medias shtetërore.
Kim e vlerësoi letrën si “të shkëlqyer” dhe tha se ai do të “konsideronte seriozisht përmbajtjen interesante”, thotë agjencia e lajmeve e KCNA.
Ai vlerësoi gjithashtu “guximin e jashtëzakonshëm” të Trump.
Më parë këtë muaj, Trump tha se një letër e bukur i ishte dërguar atij nga udhëheqësi i Koresë së Veriut. Nuk u zbulua kur apo si u dërgua letra e Trump për Kim. Shtëpia e Bardhë nuk ka komentuar.
Bisedimet midis SHBA dhe Koresë së Veriut ndaluan që prej takimit në Vietnam midis Kim dhe Trump në shkurt. Letra është zhvillimi i parë i madh midis vendeve që atëherë, raporton Laura Bicker e BBC nga Seul.
SHBA ka këmbëngulur që Koreja e Veriut të heqë dorë nga programi i saj bërthamor, ndërsa Pyongyang ka kërkuar lehtësim të sanksioneve. Megjithatë, në muajt e fundit Trump ka folur jo keq për Kim.
Më parë këtë muaj ai u tha gazetarëve se Koreja e Veriut nën udhëheqjen e Kim kishte “potencial të jashtëzakonshëm”.
Dhe në maj gjatë një vizite në Japoni, Trump e përshkroi Kim si një “djalë shumë të zgjuar” dhe tha se priste që “shumë gjëra të mira” të dilnin nga Koreja e Veriut.
VAZHDO TË LEXOSH MË TEPËR PËR TEMËN
Më në fund një takim i dytë Trump-Kim
Trump konfirmon, takimi i dytë me Kim Jong-un në 27-28 shkurt
Kim Jong-un kërcënon SHBA-në: Do të ndryshojmë drejtim
