Presidenti Donald Trump tha të shtunën se Turqia “nuk u lejua të blinte raketa Patriot nga administrata e Obamës” dhe administrata e tij po shqyrton zgjidhje të ndryshme lidhur me blerjen e raketave S-400 të Rusisë.
“Turqia është anëtare e NATO-s dhe nuk është trajtuar në mënyrë të drejtë,” tha Trump në një konferencë shtypi të përbashkët me Presidentin Rexhep Tajip Erdogan, duke iu referuar hezitimit të administratës Obama për të shitur sistemet e tyre në Turqi në vitin 2013.
Trump gjithashtu foli për vëllimin e tregtisë midis Turqisë dhe SHBA-ve, duke thënë se “75 miliardë dollarë është pak, mendoj se së shpejti do të jetë mbi 100 miliardë dollarë”.
Ai tha gjithashtu se do të vizitojë Turqinë këtë vit. I pyetur nëse do të jetë në korrik, ai tha se data nuk është vendosur akoma.
Pas takimit të tyre, Presidenti Rexhep Tajip Erdogan tha se partneriteti strategjik i përbashkët i Turqisë dhe SHBA-së nxit bashkëpunimin e mëtejshëm në fusha të ndryshme.
“Mbi të gjitha, ne kemi një partneritet strategjik, i cili promovon bashkëpunimin tonë në fusha të ndryshme”, tha Erdoan, duke shtuar se ai besonte se ky bashkëpunim do të vazhdonte në të njëjtën mënyrë në të ardhmen”.
Në deklaratën e tij të shkurtër pas takimit, Erdoan tha se qëllimi i vëllimit të tregtisë së vendeve ishte 75 miliardë dollarë dhe se duhen ndërmarrë disa hapa në drejtim të industrisë së mbrojtjes.
Më vonë, presidenca turke lëshoi një deklaratë duke thënë se të dy krerët diskutuan lidhjet dypalëshe, qëllimet ekonomike, çështjet rajonale duke përfshirë zhvillimet e fundit në Siri.
U tha se Erdogan shprehu vendosmërinë e Turqisë për të përmbushur kërkesat e sigurisë kombëtare ndaj presidentit të SHBA dhe ndau shqetësimet e tij mbi përpjekjet që mund të dëmtonin partneritetin strategjik të vendeve.
Takimi i Liderëve të G20, i ndjekur nga më shumë se 2,000 gazetarë nga e gjithë bota, po ndiqet nga 30,000 njerëz, përfshirë 19 udhëheqës dhe delegatë nga Bashkimi Evropian.
VAZHDO TË LEXOSH MË TEPËR PËR TEMËN
70-vjetori i NATO-s dhe sfidat e aleancës
Erdogan, kundër NATO-s e SHBA-së për Putinin
