Turqia ka treguar edhe një herë se nuk ka frikë nga sanksionet e SHBA lidhur me vendimin e saj për të blerë një sistem rus të mbrojtjes.
Shtetet e Bashkuara i kanë dhënë Turqisë një afat prej 31 korrikut për të hequr dorë nga blerja e sistemit S-400, ose do të përballet me sanksione dhe largim nga programi F-35.
“Pavarësisht nga çfarëdo sanksionesh që mund të ketë, çfarëdo mesazhi nga Amerika, ne kemi blerë S-400,” u tha gazetarëve në Ankara ministri i jashtëm Mevlut Çavusoglu.
Cavusoglu tha se Turqia po punon tani rreth datës së arritjes së sistemit rus.
“Nëse nesër ndodh një sulm në Turqi, nuk mund të presim që NATO-ja të na mbrojë, sepse kapaciteti i NATO-s do të mbrojë vetëm 30% të hapësirës ajrore të Turqisë”, tha Cavusoglu.
Turqia nuk do të lejojë vendet e tjera të diktojnë blerjet e saj të mbrojtjes, tha ai.
Marrëdhëniet midis Uashingtonit dhe Ankarasë janë përkeqësuar mbi çështje të shumta, duke përfshirë marrëveshjen S-400 dhe mbështetjen e SHBA për një milici kurde siriane të konsideruar si terroriste nga Turqia.
Sanksionet mund të shkaktojnë dëme në një kohë kur ekonomia e Turqisë po lufton tashmë.
Monedha e saj humbi një të tretën e vlerës së saj vitin e kaluar, pjesërisht për shkak të sanksioneve të përkohshme të SHBA mbi ndalimin e një pastori amerikan.
Erdogan tha javën e kaluar se do të përdorte marrëdhënien e tij “të mirë” me homologun e tij amerikan Donald Trump për të folur për krizën kur takohen në samitin e G20 në Osaka të Japonisë këtë javë.
VAZHDO TË LEXOSH MË TEPËR PËR TEMËN
A do ta gjejë Turqia rrugën drejt Perëndimit?
A mundet Afrika të “mbushë boshllëkun” e Britanisë në BE?
A do ta zgjidhë takimi Rusi-Turqi çështjen e Idlibit?
