Milot Rashica po kalon një moment të shkëlqyer në karrierë, ku pas sezonit fantastik me Werder Bremenin në Gjermani, po udhëheq edhe Kosovën me paraqitjet e tij.
Ai e mbylli sezonin në Bundesligë me 26 ndeshje të luajtura ku shënoi 9 gola, ndërsa realizoi 3 gola në 4 sfida të kupës.
Me përfaqësuesen e “Dardanëve”, Rashica ka shënuar 2 gola në 3 ndeshjet kualifikuese, si dhe dhuroi asistin e fitores për Elbasan Rashanin në minutat e fundit të lojës kundër Bullgarisë për 2-3.
Faqja zyrtare e “Euro2020” në Facebook i ka kushtuar një postim unik duke e cilësuar si futbollist të klasit botëror. “
“Ai nuk ka vëmendjen e mediave, pasi nuk vjen nga Brazili apo Spanja, por ka kualitetin e një lojtari të klasit botëror. I pathyeshëm, i jashtëzakonshëm, i pafalshmi MILOT RASHICA”, shkruhet në postim.
VAZHDO TË LEXOSH MË TEPËR PËR TEMËN
Rashica shpërblen veten/ Blen makinën super luksoze
