MENU
klinika

Ja thanë fansat...

Ah more Oni, në shtëpinë tënde luksoze mungon diçka!

16.07.2019 - 14:29

Jeta luksoze, veshjet e markave të shtrenjta, udhëtimet e shumta e pushimet përrallore të Fatmir Hysenbelliut kanë tërhequr gjithmonë vëmendjen e ndjekësve në rrjete sociale, ku biznesmeni tregon pothuajse gjithçka nga jeta e tij.

Së fundmi, ai është shpërngulur të jetojë në shtëpinë e tij të re, e cila ndodhet në katin e fundit të një pallati në qytetin e Tiranës. Prej shtëpisë së tij mund të shihet qartë i gjithë qyteti, mirëpo ky nuk është i vetmi detaj i këndshëm i shtëpisë.

Shtëpia e tij përfshin një palestër, një kinema private dhe një pishinë. Gjithashtu, ai ka një dhomë të veçantë për garderobën e tij, si dhe një fushë kalçetoje. Mendohet se apartamenti luksoz ka kapur shifrën e 20 milionë dollarëve.

Mirëpo, me siguri s’ju kishte shkuar në mendje se në këtë luks të madh mungon diçka shumë thelbësore. Një bibliotekë!

kolana e librave

Disa prej ndjekësve e kritikojnë për mungesën e bibliotekës.

“Një shtëpi pa një bibliotekë nuk e kuptoj dot”, shkruan një ndjekës.

“Gjithë kjo shtëpi. Po bibliotekë kishte? Apo nuk e njohin librin këta.”- është një tjetër koment në postim.

Epo, mbetet të shohim nëse Fatmiri do të shtojë një bibliotekë në të ardhmen në shtëpinë e tij super luksoze, meqë fansat na u mërzitën.

VAZHDO TË LEXOSH MË TEPËR PËR TEMËN