MENU
klinika

Ndalimi i Haradinajt

Basha: Austria të refuzojë taktikën e Beogradit

18.07.2019 - 16:53

Kryedemokrati Lulzim Basha ka reaguar pas ndalimit dhe më pas lirimit të deputetit të AAK Daut Haradinajt në Vjenë.

Basha e cilëson një provokim për Kosovën me fletarreste ndaj liderëve të saj dhe kërkon që Austria mike të refuzojë këtë taktikë konflikti të Beogradit.

“Me indinjatë mësova lajmin e ndalimit në Vjenë të deputetit të Parlamentit të Kosovës z. Daut Haradinaj, një prej luftëtarëve më të spikatur të çlirimit të Kosovës, për shkak të një fletarresti nga Serbia.

kolana e librave

Është një tallje me faktorin ndërkombëtar, me institucionet europiane dhe amerikane, që ndërsa Serbia flet për marrëveshje e bisedime me Kosovën, nga ana tjetër provokon Kosovën dhe mbarë kombin shqiptar duke vijuar taktikën e dështuar të lëshimit të fletarresteve.

U bëj thirrje autoriteteve të Austrise mike të refuzojnë këtë taktikë konflikti në Ballkan të frymëzuar nga mendësi të vjetra që në të shkuarën hapën plagë për Ballkanin e që vënë në pikëpyetje vullnetin për të ardhmen europiane të rajonit tonë”, deklaron Basha.