MENU
klinika

"3 mijë euro në..."

Fitoi gjyqin me Malltezin/ Balla: Shpifjet e dhëndrit të Berishës…

12.07.2019 - 17:47

“3 mijë euro është dëmshpërblimi për një proces gjyqësor nga dhëndri i ish-kryeministrit Sali Berisha”, kështu është shprehur kreu i grupit parlamentar Taulant Balla përmes një postimi në Facebook.

Paratë thotë Balla shkojnë për komunitetin rom në Librazhd, ndërsa ka publikuar dokumentin e derdhjes së tyre në një nga bankat e nivelit të dytë.

Postimi i plotë i Ballës në Facebook:

Fondi për Edukimin, përmes të cilit do investojmë në kopshte dhe çerdhe, me të ardhurat që burojnë nga gjyqet me berishët, lulëzimat dhe artistat e PD u shtua sot me një “kontribut” të vlefshëm nga dhëndri i Sali Berishës prej 3000 Euro. Berishët u vetë-dorëzuan para Gjykatës italiane, duke vetë-pranuar fajin dhe turpin e vet në një betejë juridike, ku isha i bindur për fitoren.

Siç kam dhënë fjalën, e gjithë kjo shumë do të shkojë për një institucion para-shkollor në Librazhd. Në ditët në vijim ky çek do t’i kalojë fëmijëve të komunitetit të nderuar rom në Librazhd.

Vazhdoni të bëheni për turp në sytë e njerëzve, sepse ne kemi gjetur tashmë instrumentin si ta bëjmë të dobishëm Lulin, Saliun dhe artistat e PD.

Shpifjet, që më pas frymëzojnë dhunën dhe molotovët, janë fundi i asaj çfarë ka mbetur nga PD.