MENU

Zikaltërit e kërkojnë prej kohësh

Interit i hapet rruga për ‘maestron’ e Barcelonës!

25.07.2019 - 14:59

Ivan Rakitic është një ndër të përjashtuarit e Barcelonës për planin e tyre të ardhshëm.

Trajneri Ernesto Valverde e tha publikisht, pas ndeshjes me Chelsean, ku theksoi se kroati duhet të djersijë më shumë për të mbajtur një vend titullari tek skuadra e tij.

Afrimi i Frenkie de Jong dhe rikthimi i Sergi Roberto, ka bërë që 31-vjeçari të mos jetë më në planet e trajnerit spanjoll.

Një tjetër sinjal e ka dhënë edhe vetë klubi katalanas, që nuk ka ndër mend të rinovojë kontratën me Rakitic, që i skadon më 30 qershor të vitit 2021.

Pas tij prej kohësh është Inter, me zikaltrit që kërkojnë një organizator në mesfushën e tyre.

Klubi italian është ndër të vetmet që ka ruajtur interesin për mesfushorin dhe mund të ketë një lëvizje drejt tij, duke qenë se tek Barcelona i kanë bërë dalje kroatit dhe zikaltërit e presin krahëhapur në Milano.

VAZHDO TË LEXOSH MË TEPËR PËR TEMËN


Zikaltërit përgatisin një tjetër largim të rëndësishëm

Roma-Inter, mega-operacion me shkëmbime të bujshme!