MENU

Pengesë për anijen britanike

Irani ‘hakmerret’ ndaj Britanisë

11.07.2019 - 14:18

Tre anije iraniane u përpoqën të pengonin kalimin e anijes tregtare, “Trashëgimia Britanike” përmes Ngushticës së Hormuzit, në kundërshtim me të drejtën ndërkombëtare.

Luftanija britanike, e cila shoqëronte çisternën e naftës u detyrua të pozicionohet mes anijeve iraniane dhe çisternës dhe të lëshojë paralajmërime për anijet iraniane, të cilat më pas u larguan.

Irani duket se kishte kërcënuar të hakmerrej për sekuestrimin e një prej anijeve të veta, por mohoi çdo tentative.

Anijet që besohet se i përkisnin Gardës Islamike të Revolucionit Islamik (IRGC) iu afruan “Trashëgimisë Britanike”  dhe u përpoqën ta pengonin atë ndërsa po lëvizte nga Gjiri në Ngushticën e Hormuzit.

BBC është thënë se Trashëgimia Britanike ishte pranë ishullit të Ebu Musait, kur u afrua nje nga anijet iraniane.

Një zëdhënës i qeverisë britanike tha: “Në kundërshtim me të drejtën ndërkombëtare, tre anije iraniane u përpoqën të pengonin kalimin e një anije tregtare, Trashëgimia Britanike, përmes Ngushticës së Hormuzit.

Zëdhënësi zyrtar i Kryeministrit Theresa May tha: “Ne po monitorojmë vazhdimisht situatën e sigurisë atje dhe jemi të përkushtuar për ruajtjen e lirisë së lundrimit në përputhje me të drejtën ndërkombëtare”.

Ministri i jashtëm iranian Mohammad Javad Zarif tha se Britania e Madhe i bëri pretendimet “për te krijuar tension”.

“Këto pretendime nuk kanë vlerë,” shtoi Zarif, sipas agjencisë së lajmeve Fars.

Marrëdhënia midis Britanisë së Madhe dhe Iranit është bërë gjithnjë e me e tensionuar, pasi Britania tha se regjimi iranian ishte “pothuajse me siguri” përgjegjës për sulmet ndaj dy tankerave të naftës në qershor.

VAZHDO TË LEXOSH MË TEPËR PËR TEMËN


Shpërthimi në Gjirin e Omanit

Sulmi në cisternat e naftës/ SHBA akuzon Iranin

Akuzat për sulmet në Gjirin e Omanit

Edhe Britania bashkohet me SHBA-në kundër Iranit