MENU
klinika

ZA Fest...

Jehojnë Bjeshkët e Namuna

22.07.2019 - 16:34

Rrëzë majave të thepisura të Bjeshkëve të Namuna, në vendin legjendar të zanave të maleve do të mbahet edicioni i tretë i ZA Fest. Në fillim të muajit gusht, për tri ditë rresht, Thethi do të shpërndajë argëtim, muzikë, legjenda, histori dhe aktivitete sportive.

 

 

 

 

Veç muzikës e argëtimit, Za Fest ka në qendër promovimin e bukurive të vendit malor, por jo vetëm. Ajo që nuk ndryshon nga viti në vit është ndërgjegjësimi për të ruajtur dhe mbrojtur destinacionet turistike.

 

 

 

 

Vlashent Sata: “Dëshira më e madhe është të shkosh në Theth dhe të kuptosh dashamirësinë e atyre njerëzve atje që kanë qenë të izoluar dhe prapë kanë një zemër shumë bujare. Neve na bën përshtypje por ata e kanë zakon. Është vazhdimi i dëshirës për të pastruar Thethin nga mbeturinat, promovimi i vendit, bashkëbisedimi për sa i përket historisë.”

 

 

 

 

Pjesëmarrja mbetet ende pa shifër konkrete, por të gjitha bujtinat e zonës janë prenotuar nga besnikët e festivalit përgjatë datave 1, 2 dhe 3 gusht.