MENU

Përfitimet medicinale

Kamomili dhe efektet anësore të ndërveprimit me ilaçe të tjera

18.07.2019 - 14:59

Lulja e kamomilit thahet dhe përdoret si çaj ose në një kapsulë ose ekstrakt.

Gjithashtu mund të aplikoher edhe nga jashtë, në lëkurë.

Përbërësit aktiv përfshijnë vaj esencial, bisabolol dhe lëndë ushqyesve bimore të quajtura flavonoidet.

  • Pretendimet medicinale

Njerëzit më shpesh e marrin kamomilin si një qetësues i butë ose antidepresant, dhe çaji thuhet të zvogëlojë inflamacionin dhe ethet. Njerëzit ndonjëherë marrin kamomil nga goja për të lehtësuar dhimbje stomaku dhe dispepsi ose të aplikojnë një kompresë me ekstrakt kamomili për të zbutur lëkurën e irrituar.

  • Efektet anësore të mundshme

Kamomili përgjithësisht konsiderohet i sigurt. Efekti më i mundshëm anësor është një reaksion alergjik, sidomos tek njerëzit që janë alergjikë ndaj lulediellit.

Reaksionet alergjike mund të përfshijnë acarim të lëkurës, kruarje të syve, teshtima dhe hundë të lëngshme. Njerëzit shumë rrallë kanë një reaksion alergjik të rëndë dhe të rrezikshëm për jetën (anafilaksi).

  • Ndërveprimet e mundshme me ilaçet

Kamomili mund të zvogëlojë thithjen e barnave të marra nga goja. Kamomili gjithashtu mund të rrisë efektet e barnave që parandalojnë mpiksjen e gjakut (antikoagulantët) dhe sedativët ose ndryshe qetësuesit (përfshirë alkoolin) dhe ulin absorbimin e shtesave të hekurit.