Njeriu i momentit në NBA, dhe ylli i Toronto Raptors në sezonin e fundit, Kawhi Leonard, pritet të firmosë për Los Angeles Clippers, në një prej transferimeve me të bujshme të dekadave të fundit.
Clippers kanë ambicie të mëdha për sezonin e ardhshëm dhe do të synojnë titullin, ndaj përveç Leonard kanë arritur marrëveshjen edhe një tjetër superstar, Paul George të Oklahomas.
Leonard vjen nga një sezon madhështor, ku e udhëhoqi Toronton drejt titullit të parë në NBA.
Tashmë Leonard pritet të firmosë një kontratë monstruoze, me synimin për të udhëhequr drejt titullit ekipin e tretë në karrierë.
Transferimi i tij shënon një epokë të re në basketboll, jo vetëm për Clippers, por për gjithë Los Angeles, pasi Leonard do të ndajë stadiumin dhe famën me rivalët e Lakers, që kanë në gjirin e vet yje si LeBron James dhe Anthony Davis.
Kawhi qëndroi vetëm një vit në Toronto, por premtoi titullin dhe e çoi në Kanada, ndaj largohet me kokën lart. Tre herë Lojtari i Vitit, 2 herë MVP në finale, Leonard ishte njeriu me i kërkuar në treg, pas dëmtimit të rëndë pësuar nga Kevin Durant gjatë finaleve.
Edhe Leonard pati një dëmtim të rëndë në sezonin 2017/18, por u kthye fuqishëm dhe në Toronto zhvilloi sezonin më të mirë në karrierë, me 26.6 pikë për ndeshje, si kurrë më parë.
VAZHDO TË LEXOSH MË TEPËR PËR TEMËN
Kërkohet nga të gjithë/ Leonard takon ekipet e Los Angelos!
Operohet pas rinovimit/ Ylli i NBA rikthehet vitin tjetër!
