Moderatorja e njohur shqiptare, Brunilda Lahe nuk do të jetë më drejtuesja e programit “My Living” në Vizion Plus dhe Tring.
Lajmin e ka dhënë vetë Brunilda përmes një njoftimi në Instagram ku shkruan se kanë qenë programi që i është përkushtuar më së shumti për 4 vite.
Ajo ka dhënë dhe arsyen e largimit, duke treguar se është në pritje të ëmbël dhe së shpejti do të bëhet nënë e një bebushi!
“Arsyen përse nuk do të jem sezonin që pason në moderimin e @mylivingtringofficial do doja ta ndaja së pari me shikuesin e programit që e dua shumë dhe jam përkushtuar pa rezerva. Për 4 vjet me ‘My Living’ kam takuar njerëz të mrekullueshëm, të cilët më kanë mësuar shumë. Kam takuar njerëz të thjeshtë, por që u bënë personazhe të njohur falë stilit apo talentit që kishin. Takimet me ta më kanë pasuruar. Këtë vit Living mbaroi dhe në sezonin e ardhshëm do të ketë ndryshime. Unë do takoj dikë tjetër që do më mësojë edhe më shumë. Do të takoj një krijesë të mrekullueshme, e cila do më lumturojë në jetën time. Takimi me të është gjëja më e jashtëzakonshme që po më ndodh! Është bebja që pas disa muajsh do ta sjell në jetë. Ju uroj të gjithëve lumturi dhe pushime të gëzuara! Mirë u takofshim”, shprehet ajo duke mbajtur lotët.
Epo Bruna shtatzëni të mbarë dhe të presim sërish në ekran.
