MENU
klinika

Editorial i Washington Post

Një mundësi ‘e artë’ për Ukrainën dhe Zelenskyn

27.07.2019 - 12:22

Elita politike e Ukrainës ka hedhur poshtë në mënyrë të përsëritur shanset për të stabilizuar vendin dhe për të siguruar pavarësinë e saj nga Rusia. Tani, një grup i ri do të ketë një shans.

Më 21 korrik, votuesit e zemëruar zëvendësuan më shumë se 60 për qind të parlamentit. Fituesi i madh ishte presidenti, Volodimir Zelensky, i cili thirri zgjedhjet e menjëhershme pas marrjes së detyrës në maj. Partia e tij, fitoi një shumicë absolute parlamentare, forca e parë politike që e bën këtë që kur Ukraina fitoi sovranitetin në vitin 1991.

Zelensky, tani ka një mundësi të jashtëzakonshme për të përmbushur premtimet e tij: duke i dhënë fund luftës me separatistët e mbështetur nga Rusia, duke luftuar korrupsionin dhe duke përmirësuar ekonominë gjithnjë e dobët.

Zelensky mund të transformojë vendin e tij dhe të sigurojë të ardhmen e tij nëse ai përdor autoritetin e tij për të nxitur reformat ligjore, institucionale dhe ekonomike të prapambetura. Ai duhet të veprojë shpejt.

Presidenti ka dërguar disa sinjale pozitive. Ai tashmë i ka kërkuar parlamentit t’i japë fund imunitetit të anëtarëve të saj nga ndjekja penale, të autorizojë ndjekjen e zyrtarëve për marrje ryshfeti dhe të miratojë zëvendësimin e kryeprokurorit.

kolana e librave

Është e vështirë të zmadhohet shkalla e problemit të korrupsionit të Ukrainës. Oligarkët në mënyrë rutinore ndikojnë në politikat e qeverisë për të përfituar; zyrat e gjyqësorit dhe të prokurorive janë të mbushura me zyrtarë të korruptuar.

Zelensky mund të tregojë se qeveria e tij do të ndryshe.

Ndërkohë, ai duhet të mbajë distancën e tij nga Ihor Kolomoisky, oligarku me të cilin ka bashkëpunuar, i cili është akuzuar për vjedhje të një banke.

Nëse arrin ta beje, Zelensky mund të transformojë klimën politike të rajonit. Shtetet e Bashkuara, të cilat nën administrimin Trump kanë mbështetur sovranitetin e Ukrainës, duhet të bëjnë ç’të munden për të ndihmuar.

Por do të jetë përgjegjësia e Zelenskyt dhe elites së re politike që ka krijuar për të treguar se Ukraina mund të ketë sukses.

VAZHDO TË LEXOSH MË TEPËR PËR TEMËN


Pasaportat ruse për ukrainasit

Zelensky refuzon ofertën e Putinit

Zgjedhjet e parakohshme parlamentare

Zgjedhje në Ukrainë, Zelensky drejt fitores