MENU

3 muaj në detyrë

Shkarkohet drejtori i Përgjithshëm i Tatimeve

10.07.2019 - 11:35

Drejtori i Përgjithshëm i Tatimeve, Enton Duro është shkarkuar nga detyra.

Duro mbante këtë post që prej 27 marsit të këtij viti, ku zëvendësoi Vasilika Vjeron.

Burimet bëjnë të ditur se shkarkimi i drejtorit të përgjithshëm të tatimeve ka ardhur si rezultat i mospërbushjes së detyrave, funksionit dhe përgjegjësive të tij si titullar i këtij institucioni, duke sjellë për pasojë mosrealizimin në mënyrë të vazhdueshme të planit mujor të të ardhurave, përkeqësimin e situatës së respektimit të detyrimeve ligjore tatimore të tatimpaguesve si dhe të paaftësisë për të marrë masat e duhura për ndryshimin e situatës.

Po të njëjtat burime bëjnë të ditur se ende nuk është përcaktuar drejtuesi i ri që do të marri në dorë një nga institucionet e rëndësishme të vendit sic është Drejtoria e Përgjithshme e Tatimeve.