MENU
klinika

Jashtë funksionit

Shkatërruan Hidrocentralin ‘Bistrica 2’, në pranga dy shtetas

05.07.2019 - 10:43

Dy persona janë arrestuar pasi dyshohet se kanë hapur portat e kanalit ujitës në Sarandë, duke nxjerrë jashtë funksionit HEC-in “Bistrica 2”.

Policia thotë se arrestoi shtetasit V. R., 51 vjeç, banues në Finiq dhe N. R., 66 vjeç, banues në Delvinë, pasi:

“Më datë 03.07.2019, në vendin e quajtur “Mesopotam i Sipërm” Finiq, këta shtetas në bashkëpunim me njëri-tjerin dyshohet se kanë hapur portën e kanalit ujitës duke përmbytur kështu Hidrocentralin “Bistrica 2”, sqaron policia.

Si rrjedhojë, momentalisht ky Hidrocentral është jashtë funksionit.

Materialet iu referuan Prokurorisë në ngarkim të tyre për veprën penale “Shkatërrimi i pronës me përmbytje”.