Moti i keq me rrëbeshe shiu dhe stuhi të forta kanë paralizuar edhe Kosovën.
Moti i keq në Kosovë ka shkaktuar vështirësi në qarkullim.
Policia e Kosovës ka bërë me dije për mediat vendase se dy ditët e fundit ka pasur shumë aksidente.
Bazuar në mesataren e numrit të aksidenteve të ditëve të kaluara dy ditët e fundit vërehet një rritje e tyre.
Bazuar në raportet 24 orëshe të Policisë së Kosovës, dje numri i aksidenteve ka qenë 42 ku të lënduar kanë mbetur 14 persona.
Kurse, pardje, numri total i aksidenteve ka qenë 45 prej të cilave aksidente 20 kanë qenë me lëndime trupore.
Zëvendësministri i Infrastrukturës, Rexhep Kadriu ka bërë me dije për mediat në Kosovë se gjendja e rrugëve është e mirë.
“Sipas informacioneve tona nga terreni dhe sipas raportimeve të drejtorisë së rrugëve dhe menaxherëve regjionalë, gjendja e rrugëve është e mirë dhe e kalueshme”, tha Kadriu.
Shiu dhe erërat e forta përveç bllokimit dhe pengimit të qarkullimit këto dy ditë kanë shkaktuar edhe dëme materiale nëpër shtëpi e biznese.
VAZHDO TË LEXOSH MË TEPËR PËR TEMËN
Stuhi në Veri/ Fshatra të bllokuar dhe pa energji elektrike
Kaos dhe viktima/ Moti i keq ‘bllokon’ Europën
