MENU

Terror në Lushnje

Djali godet me sëpatë babain, rëndë në spital

17.07.2019 - 09:38

Një situatë terror është shënuar mëngjesin e sotëm në Lushnje.

Një djal 30-vjeçar ka goditur me sëpatë babain e tij, i cili ndodhet në spital në gjendje të rëndë.

Policia njofton se në lagjen “Xhevdet Nepravishta” Lushnje, shtetasi D.V, 30 vjeç, për motive të dobëta ka goditur me sëpatë babain e tij, shtetasin K.V, 67 vjeç.

Pasi ka goditur babain, shtetasi D.V është larguar nga vendngjarja por është kapur në flagrancë nga patrulla e policisë e cila ishte në ndjekje të tij.

Shtetasi K.V ndodhet në Spitalin e Lushnjes nën kujdesin e mjekëve në gjendje të rëndë shëndetësore.

Grupi hetimor po punon për zbardhjen e plotë të rrethanave të ngjarjes.