MENU

Njoftimi

Terrori në Kavajë/ Policia jep detaje: Autorë, dy vëllezër…

04.07.2019 - 14:41

Policia e Shtetit ka dhënë detaje në lidhje me ngjarjen e rëndë në Kavajë.

Dy grupe rivale u përplasën me armë dhe si pasojë humbi jetën një person dhe pesë të tjerë u plagosën.

Sipas policisë, autorët e ngjarjes janë dy vëllezër, të cilët janë identifikuar, ku njëri prej tyre po ruhet në spital, pasi është plagosur, ndërsa tjetri është në kërkim.

Njoftimi i plotë:

Sot rreth orës 12:30 në lagjen nr. 2 Kavajë, pas një konflikti mes disa personave, ka mbetur i vrarë shtetasi R. H., (kalimtar i rastit) dhe kanë mbetur të plagosur 5 shtetas, të cilët po marrin mjekim në spitalin e Durrësit, jashtë rrezikut për jetën.

Shërbimet e Policisë me marrjen e njoftimit, kanë shkuar menjëherë në vendngjarje dhe falë veprimeve të shpejta kanë bërë të mundur identifikimin e autorëve dhe janë vënë në ndjekje të njërit prej tyre.

Për zbardhjen e plotë të ngjarjes u ngrit menjëherë një grup i posaçëm hetimor nën drejtimin e Prokurorit të Rrethit dhe nga veprimet paraprake dyshohet se autorët e ngjarjes janë dy vëllezër, shtetasit M. A dhe D. A.

Shtetasi M. A (autori i dyshuar), mbahet në ruajtje nga shërbimet e Policisë në spitalin e Durrësit, pasi është i plagosur.

Policia është vënë në ndjekje të autorit tjetër, shtetasit D. A. dhe vijon krehja e zonës për kapjen e tij

Policia ka bllokuar dy automjete që u përkasin pjesëtarëve të palëve që janë konfliktuar.

Janë shoqëruar në Komisariatin e Policisë Kavajë disa persona dhe vijon puna për shoqërimin e personave të tjerë.

Grupi hetimor po punon për zbardhjen e plotë të rrethanave të ngjarjes.

VAZHDO TË LEXOSH MË TEPËR PËR TEMËN


Përplasje mes grupeve rivale

Tronditet Kavaja, vritet me armë një person

Viktima është vrarë aksidentalisht

Përplasen grupet rivale në Kavajë, vritet një person