Në lidhje me pasaktësitë e shfaqura me të dhënat e KQZ përsa i përket numrit të votuesve në zgjedhje ka ardhur edhe reagimi i Klement Zgurit.
Në një dalje për media, Zguri ka deklaruar se shifrat e KQZ nuk janë zyrtare, ndaj dhe ka kërkuar hetim administrativ.
“Tabelat përmbledhëse duhet të përmbajnë numrin e saktë në votim, si dhe numrin e votave për çdo kandidat. Si rregull këto shifra duhet të korrespondojnë.
Nëse shifrat janë kontradiktore, ky mund të jetë tregues paaftësie, por edhe tregues parregullsie. Se ç’ka ndodhur në rastin konkret kjo do të zbulohet nga hetimi.
KQZ ka dy mundësi për verifikim, zbulon dhe korrigjon gabimet, shqyrtimi i ankimimeve zgjedhore kundër rezultatit.
Për këtë, duhet që subjektet zgjedhore të depozitojnë ankime. Kërkohet bashkëpunimi i subjekteve zgjedhore, që vënë në lëvizje KQZ. Ka rëndësi vënia në lëvizje e procedurës, nëse duam të kuptojmë të vërtetën e këtyre shifrave.
Saktësia e tyre është vendimtare për cilësinë e procesit të 30 qershorit, ndaj KQZ duhet t’i trajtojë me seriozitet. Kolegët e KQZ duhet të bëjnë gjithçka për të sjellë qartësi të plotë”, tha Zguri.
VAZHDO TË LEXOSH MË TEPËR PËR TEMËN
Deklarata e KQZ/ Zguri: Jo qëndrimi im, njoh vetëm dekretin e presidentit
Dekreti i Metës përçan KQZ-në, kryetari braktis mbledhjen
