Punëtorët e Aeroportit Ndërkombëtar ‘Adem Jashari’ në Prishtinë pritet të mbajnë sot serish grevë, pasi përpjekjet për të dialoguar rreth kërkesave të tyre deri më tani nuk kanë treguar rezultate.
Sipas mediave në Kosovë, nëse në dy ditët e mëparshme kemi pasur grevë njëorëshe, respektivisht dy orëshe, sot greva do të zgjasë 6 orë. Ajo do të nisë në ora 08:00 dhe do të përfundojë në ora 14:00.
Pesë kërkesat e tyre kyçe të punëtorëve karshi administratorit të Aeroportit të Prishtinës janë kompensimi dhe benefitet për rrezikshmërinë, të eliminohen dallimet në pagesë në rastet ku punëtorët kanë detyrat dhe përshkrimin e njëjtë të punës, orët e njëjta të punës duke ngritur pagat e ulëta në nivelin e barabartë me kolegët, pagesën për përvojë të punës, orët e punës gjatë vikendit të paguhen, si dhe pagesa e shujtës.
Në dy ditët e mëparshme, greva ka shkaktuar vonesa në Aeroportin Ndërkombëtar të Prishtinës, duke bërë që shumë fluturime të shtyhen.
VAZHDO TË LEXOSH MË TEPËR PËR TEMËN
Kërkohet unitet ndërmjet pozitës dhe opozitës
Vuçiç ka kërkuar largimin e flamurit të Kosovës në Stamboll
