MENU

Washington Post

Pse Salvini po kërkon të përmbysë qeverinë?

11.08.2019 - 10:22

Gjatë një periudhe kohore prej 14 muajsh në qeverisje, Matteo Salvini ka kundërshtuar rregullat e Bashkimit Evropian dhe ka shkaktuar luftëra politike me partnerin e tij të koalicionit. Zyrtarisht, ai është ministri i brendshëm i Italisë. Jozyrtarisht, ai është bërë imazhi nacionalist dhe nativist i vendit.

Por tani, Salvini është duke bërë një lojë për më shumë fuqi, ndërsa përpiqet të rrëzojë koalicionin dypalësh populist që ai dominon.

Qëllimi i tij: të provokojë një krizë, të detyrojë zgjedhje të reja në vjeshtë, dhe të bëhet kryeministër, hapa që nuk do të linin asnjë dyshim në identitetin nacionalist të Italisë.

Këtë javë të kaluar, gjatë një turneu në qytetet e plazhit, ku ai pinte koktejle dhe luante muzikë si një DJ, Salvini njoftoi se kishte humbur besimin tek koalicioni, mes Lidhjes së tij të djathtë ekstreme dhe lëvizjes Pesë Yje.

Të premten, Lidhja e Salvinit ndërmori një hap tjetër, duke bërë thirrje për një votë mosbesimi kundër kryeministrit Giuseppe Conte.

Conte ka shumë pak gjasa të mbizotërojë në votën e mosbesimit. Por presidenti i vendit, Sergio Mattarella, ka fuqi të madhe kushtetuese gjatë periudhave të krizës. Ai mund të bashkojë një qeveri të përkohshme. Salvini gjithashtu mund të paguante një çmim në votime nëse votuesit nuk pranojnë përpjekjen e tij për të  shkaktuar kaos politik në Itali.

Por ka mundësi, sipas ekspertëve, që Salvini të drejtojë Italinë në qeverinë e saj më të djathtë të epokës së pasluftës. Bazuar në sondazhet e tanishme, zgjedhjet e reja do t’i lejonin atij të krijonte një qeveri me një parti të vogël të ekstremit të djathtë, Vëllezërit e Italisë.

Analistët gjithashtu spekulojnë se Salvini mund të jetë përballur me presion nga brenda partisë së tij për të rishqyrtuar koalicionin me Lëvizjen Pesë Yje, i cii ishte i diskutueshëm gati që në fillim.

Partitë janë nominalisht populiste, por të dyja palët kanë vizione të ndryshme për programet sociale dhe infrastrukturën.

Parlamenti është pushim. Ligjvënësit janë në plazh. Franco Pavoncello, presidenti i Universitetit John Cabot në Romë, tha se vendi ishte në territor politik “të padiskutuar”.

Senatori Giovanbattista Fazzolari, nga Vëllezërit e ekstremit të djathtë të Italisë, tha që partia e tij kishte një “vizion të ngjashëm” me atë të Lidhjes dhe do të siguronte një partner më koherent pas një zgjedhjeje të re.

Dobësia kryesore e Salvini vjen nga brenda, thonë shumë analistë. Muajin e kaluar, një regjistrim audio i botuar nga BuzzFeed u shfaq për të treguar një mik të Salvinit në Moskë duke negociuar një plan për të financuar në mënyrë të paligjshme Lidhjen me para të naftës ruse. Nuk ka prova që marrëveshja u realizua ose që Salvini e dinte këtë çështje, dhe Salvini e ka mohuar. Por prokurorët në Milano po shqyrtojnë çështjen.

Lidhja, deri më tani, mbetet partia më e njohur e Italisë.

Salvini ka fituar në mënyrë të qëndrueshme votuesit e partive të qendrës, të cilët bien dakord që migracioni në Itali duhet të jetë rreptësisht i kufizuar dhe që mendojnë se vendi është braktisur nga BE në trajtimin e problemeve ekonomike dhe një SëRë kërkesash për azil.

Po aq e rëndësishme, Salvini ka dëshmuar të jetë një shitës i palodhshëm i markës së tij, duke bërë fushatë nga qyteti në qytet pothuajse pa ndërprerje, duke postuar në rrjetet sociale çdo gjë nga makaronat te krimi i imigrantëve, dhe teatri politik i betejave të tij me drejtuesit e tjerë, përfshirë Luigi Di Maio nga Pesë Yjet.

“Unë mendoj se Salvini po mendon në mënyrë taktike,” tha Federico Santi, një analist i Evropës në Grupin Eurasia. “Është e qartë se Lidhja ka epërsi tani. Ata po e përdorin kaq mirë ”.

Stefano Pitrelli kontribuoi në këtë raportim.

VAZHDO TË LEXOSH MË TEPËR PËR TEMËN


Bashkimi i partive anti-emigracion

“Identitet dhe Demokraci”, aleanca e re e Salvinit

Kadare dhe intelektualët paralajmërojnë

“Evropa do të zhduket nën dallgët e populizmit”