Regjisori dhe producenti i njohur Gjergj Xhuvani, u nda nga jeta ditën e sotme, në moshën 56-vjeçare. Skenaristi dhe producenti i më shumë se 15 filmave shqiptarë, prej thuajse një viti kurohej edhe në Romë, ku muajt e fundit po punonte për një produksion të ri kinematografik.
Prej më shumë se një viti, regjisori vuante nga një sëmundje, që siç duket ka ndërprerë edhe punën për filmin e ri.
Xhuvani lindi në vitin 1963 në Tiranë, ku edhe u diplomua për artet dramatike. Në vitin 1991, ai realizoi filmin e tij të parë “Bardhezi”, ndërsa produksioni i fundit që la për shqiptarët, është telefilmi me 5 seri, “Në kërkim të kujt”.
Autor i filmave të suksesshëm pas viteve ‘90, ndër të cilët kanë spikatur edhe për kritikën, si: “Lindje, Perëndim, Lindje”, “I dashur Armik” dhe “Dashuria e Fundit”, Xhuvani ishte bashkëshorti i aktores së njohur, Luiza Xhuvani.
VAZHDO TË LEXOSH MË TEPËR PËR TEMËN
Torturat çnjerëzore, si e vrau komunizmi pa lënë gjurmë
