Mësonjëtorja e Parë Shqipe në Korçë, Muze Kombëtar i Arsimit, shumë shpejt do të restaurohet.
Sikur ka bërë të ditur, drejtori i Drejtorisë Rajonale të Trashëgimisë Kombëtare, Gjergji Koki.”Është akorduar fondi i posaçëm për restaurimin e godinës emblematike të qytetit, që jo vetëm do të restaurohet, por do të rikonceptohet edhe pjesa e muzealizimit të brendshëm”, – tha drejtori rajonal përgjegjës për momumentet e kulturës.
Sipas tij, projekti parashikon dy faza dhe është hartuar nga ekipi i Drejtorisë Rajonale të Trashëgimisë Kombëtare, jo vetëm si një detyrim institucional, por si një detyrim ndaj historisë, Korçës dhe Kombit.
Muzeu i Mësonjëtores së parë Shqipe në Korçë, i amortizuar si ndërtesë nga mungesa e restaurimit, u mbyll për vzitorët pas tërmetit të 1 qershorit. Dëmtimi i murreve dhe rreziku që godina dykatëshe historike paraqiti pas tërmetit, e bëri të domosdoshme ndërhyrjen për restaurimin e plotë të ambienteve.
