Albin Kurti, kreu i Vetëvendosjes dhe njëherësh kandidat për kryeministër, shprehet se ka ardhur koha që ta thyejnë qafën ata që e dëmtuan ekonominë, zvogëluan popullsinë dhe prishën imazhin e vendit.
“Shumë na e kanë dëmtuar ekonominë dhe drejtësinë, na e kanë zvogëluar popullsinë dhe na e kanë prishur imazhin, por erdhi dita që ata të thyejnë qafën e ne ta kthejmë shpresën, gëzimin dhe nderin për vendin”, është shprehur Kurti.
Fushata zgjedhore dhjetëditëshe zyrtarisht fillon më 25 shtator por partitë në Kosovë po intensifikojnë përditë dhe më shumë veprimet e tyre.
Lëvizja Vetëvendosje prezantoi në Prishtinë kandidatët për deputetë në zgjedhjet e 6 tetorit.
Albin Kurti premtoi se ndër vendimet e para që do të marri kur të bëhet kryeministër, do të jetë reduktimi i shpenzimeve qeveritare, duke zvogëluar numrin e zëvendëskryeministrave, ministrave dhe këshilltarëve.
VAZHDO TË LEXOSH MË TEPËR PËR TEMËN
Basha takon Albin Kurtin/ Flasin për studentët, dialogun e kufijtë
A i duhet Kosovës një reformator, i tipit të Albin Kurtit?
