MENU
klinika

Zgjidhje e shpejtë nga kompania

Huawei gjen mënyrën për të anashkaluar sanksionet amerikane!

16.09.2019 - 20:00

Ndërsa jemi në pritje të debutimit të Mate 30, Huawei prezantoi një version të ridizajnuar të P30 Pro.

Ndryshe nga P30 Pro ekzistues, modeli i ri vjen me një pjesë të pasme përbërë nga dy materiale: me shkëlqim dhe mat si dhe në ngjyrë blu ose lavander. Ndërsa dizajni është ri, P30 Pro vjen me Android 10 të para-instaluar, një mënyrë inteligjente e Huawei për të lançuar një produkt të ri me sistemin operativ më të fundit të Google.

Ashtu si modeli ekzistues P30 Pro, ngjyrat e reja ruajnë të njëjtin procesor Kirin 980. 10 ditë më parë Huawei lançoi çipin Kirin 990 me modem 5G të integruar.

kolana e librave

Procesori në fakt do të debutojë në Mate 30 në fund të muajit dhe është një debutim interesant për tu ndjekur. Muajin e kaluar Google zbuloi se Huawei Mate 30 nuk do të vijë me aplikacionet dhe shërbimet e Google, që do të thotë se nuk është i certifikuar për Google Play Store.

Mbetet për tu parë çfarë do të ndodhë me Mate 30 në 19 Shtator. Shtëpia e Bardhë jua ka ndaluar kompanive Amerikane, siç është rasti i Google, të bëjnë biznes me Huawei dhe prodhuesi i smartfonëve mori një leje tre mujore në fillim të muajit Maj për të vazhduar ofrimin e përditësimeve të softuerit.

Leja u shty edhe për 3 muaj të tjerë deri më 19 Nëntor por mbulon vetëm pajisjet ekzistuese.

Derisa ndalimi të hiqet, Huawei nuk i mbetet gjë tjetër vetëm se të ridizajnojë pajisjet dhe të shtojë versionin më të fundit të sistemit operativ për Evropën dhe SHBA.