MENU
klinika

Zbulohet shkrimi i lashtë

Jezusi ishte i martuar me Maria Magdalenën, kishin edhe fëmijë

18.09.2019 - 10:00

Ajo që do të lexoni është një histori detektivësh. Ne kemi zbuluar një shkrim të lashtë që është i koduar me një kuptim të fshehur shkruan gazeta britanike “The Indipendent” ne numrin e sotëm.

Në procesin e dekodimit të saj, ne do t’ju çojmë në një udhëtim në botën e këtij teksti misterioz. Asaj që i frikësohej Vatikani – dhe Dan Brown vetëm dyshonte – u bë realitet. Tani ka prova të shkruara se Jezusi ishte i martuar me Maria Magdalenën dhe se kishin fëmijë së bashku.

Më shumë se kaq, duke u bazuar në dëshmi të reja, tani e dimë se si dukeshin lëvizjet origjinale të Jezusit dhe roli i papritur i seksualitetit që luante në të. Ne kemi zbuluar edhe politikën pas kryqëzimit, si dhe ngjarjet dhe njerëzit që morën pjesë në të.

Në Bibliotekën Britanike është një dokument që na çon në vitet e humbura të jetës së Jezusit. Dijetarët besojnë se Jezusi lindi rreth vitit 5 (pesë) dhe se ai u kryqëzua rreth vitit 30 AD.

Por ka një hendek të madh në biografinë e tij. Ne nuk dimë asgjë për Jezusin që nga koha kur ai ishte tetë ditësh (rrethprerja e tij, sipas ligjit hebraik), derisa ai ishte në të tridhjetat e hershme. Ekziston një përjashtim. Sipas Ungjillit të Lukës (2: 41-2: 51), kur ishte dymbëdhjetë vjeç, Jezusi udhëtoi me prindërit e tij në Jerusalem për të festuar Pashkën. Kjo është e gjitha që kemi. Pas kësaj, tridhjetë vjet heshtje absolute.

A nuk është kjo e pabesueshme? Këtu është padyshim individi më me ndikim në historinë njerëzore dhe ne nuk dimë asgjë rreth tij derisa ai fillon “shërbimin” e tij (d.m.th aktivizimin e tij publik) jo më shumë se tre vjet përpara kryqëzimit të tij.

Por fakti është se ne thjesht nuk kemi informacion në lidhje me vitet e hershme të Jezusit – edukimin, miqtë, shkollimin ose ndërveprimin e tij me anëtarët e familjes. Nuk kemi njohuri për Jezusin si një i ri. Si e fitoi aksesin në shkrimet e Biblës hebraike? Kush ishin mësuesit e tij fetarë?

Sa i ditur ishte ai në hebraisht, përveç aramaishtes që ne e dimë se ai fliste si gjuhë? Duke thënë këtë, për momentin, ne nuk po pohojmë se teksti ynë është fakt historik.

Deri tani, thjesht po themi se Bibla e krishterë nuk na tregon asgjë në lidhje me vitet e hershme të Jezuit dhe se kemi zbuluar një tekst që pohon se ai ishte i martuar dhe kishte fëmijë shkruan gazeta britanike.