Pak ditë më parë, një delegacion i Komisionit të Venecias, nisi në Tiranë një seri takimesh me përfaqësues të opozitës, mazhorancës dhe zyrtarë të lartë të shtetit, e teksa pritet që më 12 tetor të dorëzojnë raportin final me opinionet dhe rekomandimet e tyre sa i takon shkarkimit të Presidentit Ilir Meta, gjë që kërkohet nga mazhoranca e cila ka ngritur edhe komisionin hetimor për këtë cështje.
Sot, vetë Meta, i cili ndodhet në Strasburg, takoi Presidentin e Komisionit të Venecias, Gianni Buquicchio, ku i dorëzoi raportin e përgatitur për Komisionin e Venecias, dhe i shprehu vullnetin për bashkëpunim të plotë për çdo çështje apo paqartësi që lidhet me të.
“Kreu i Shtetit vlerësoi kontributin historik të Komisionit të Venecias për forcimin e institucioneve, të shtetit të së drejtës dhe demokracisë në Shqipëri.
Gjatë këtij takimi ishte e pranishme edhe Përfaqësuesja e Përhershme e Republikës së Shqipërisë pranë Këshillit të Europës, znj. Albana Dautllari”, thuhet në njoftimin e Presidencës.
VAZHDO TË LEXOSH MË TEPËR PËR TEMËN
Dekreti i Metës mbërrin në KQZ, PS kërkon mbledhje urgjente
Dekretet e Metës sjellin deputetët në punë para kohe
Çfarë u vendos për shkarkimin e Metës?
