11.09.2019 - 13:57
Një njësi e re Speciale e Kërkimit në Policinë e Shtetit është duke zhvilluar fazën stërvitore përpara daljes në terren.
Ka qenë ministri i Brendshëm Sandër Lleshaj i cili dha detaje rreth kësaj njësie. Lleshaj theksoi se Njësia Speciale e Kërkimit, për personat e shpallur në kërkim e cila njihet ndryshe si njësia speciale kundër “të Fortëve” do të jetë një element i rëndësishëm edhe në rrjetin Europian.
‘Drejtësia nuk do të harrojë askënd që i është shmangur. Kjo njësi do të jetë një element i rëndësishëm i rrjetit europian. Në këtë kuadër përgjegjësia juaj del përtej kufijve. Do të jeni të angazhuar edhe për persona që i janë shmangur drejtësisë në vendet e tjera‘, tha Lleshaj.
