MENU

Testohet pajisja

Njihuni me pajisjen revolucionare që shpëton jetë nga tërmetet

10.09.2019 - 18:02

Një sistem inovativ  paralajmëron në kohë për tërmetet, i testuar me sukses në vendet e huaja, pritet të gjejë zbatim edhe në Greqi përmes një projekti pilot.

Pajisja u paraqit në Ekspozitën Ndërkombëtare në Selanik nga Drejtori i Institutit Gjeodinamik dhe Profesor i Sizmologjisë në Universitetin e Athinës.

Ky program, i quajtur “ARIS”, është ndërmarrë nga  zoti ë Akis Tselentis për ta zhvilluar dhe zbatuar atë në Greqi.

Sipas profesorit, megjithëse fillimisht sistemi synonte të mbronte njësi të mëdha industriale, tashmë po shtrihet dhe më gjerë për  mbrojtjen e zonave urbane.

Sistemi zbulon shfaqjen e një tërmeti, vlerëson madhësinë dhe vendndodhjen e tij, llogarit kohën kur do të mbërrijë në një zonë të caktuar.

Bazuar në distancën nga qendra dhe rrezikshmërinë e  valëve sizmike, vlerëson efektin e tyre dhe informon për katastrofën e ardhshme.

Pajisja vlerësohet se paralajmëron  8-20 sekonda nga goditja e tërmetit por edhe më shumë për tërmetet e largëta.

Gjithçka përkthehet në jetë të shpëtuara.

Në ato pak sekonda, qytetarët mund të mbulohen, mund të aktivizohen sistemet e mbrojtjes, çelësat e energjisë ose të gazit mund të mbyllen, ndërmarrje të mëdha mund të ndërpresin furnizimet e materialeve të ndezshme, trenat mund të ndalojnë dhe shmangin më të keqen.

“ARIS”, siç shpjegon dhe raporton sizmologu i mirënjohur, mund të shtrihet në Patras dhe rajonin më të gjerë të Greqisë Perëndimore, për shkak të sizmicitetit të fortë të zonës dhe për mbrojtjen e instalimeve të gazit natyror.

Akis Tselentis thotë se sistemi mund të përdoret në shkolla, trena dhe madje edhe në Metro.