Kryeministri Edi Rama ka garantuar sot se operacioni i nisur antiinformalitet nuk do të ndalet dhe ka paralajmëruar se për gjithë abuzuesit do të ketë zero tolerancë e do të veprojë vetëm ligji.
Me një shënim në faqen e tij në Facebook, ai shkruan se vetëm gjatë natës janë kontrolluar 130 pika tregtimi të karburantit, ndërkohë që gjatë fillimit të operacionit antiinformalitet “janë bllokuar nga ana e Inspektoratit Shtetëror Teknik dhe Industrial afro 10 mijë ton karburant”.
- Postimi i Ramës
#STOPINFORMALITETIT?
• 130 pika tregtimi të karburantit jane kontrolluar vetëm gjatë natës së mbrëmshme
• Qysh prej nisjes së operacionit antiinformalitet janë bllokuar nga ana e Inspektoratit Shtetëror Teknik dhe Industrial afro 10 mijë ton karburant.
• Janë penalizuar me gjoba dhe bllokime, për shkelje të cilësisë dhe sigurisë së tregtimit, 24 subjekte.
#ZeroTolerancë?ndaj abuzuesve
#OperacioniNukNdalet?
