MENU
klinika

Abuzimi me TVSH

Përfundon seanca maratonë, 9 biznesmenët në arrest shtëpiak

07.09.2019 - 19:16

Gjykata e Tiranës ka vendosur të lirojë me masën e arrestit shtëpiak disa prej biznesmenëve të arrestuar tri ditë më parë në kuadër të një aksioni antiinformalitet.

Mësohet se pas një seance maratonë e nisur prej mëngjesit të sotëm, trupi gjykues ka vendosur të lirojë me masën e arrestit shtëpiak, 6 prej biznesmenëve të arrestuar. Më konkretisht në arrest shtëpie do të qëndrojnë: Haxhi Sala, Ilija Dimo, Shkëlqim Prodani, Shpresa Joanidhi, Paqësor Buzi, Astrit Lala, Rabi Kurti, Riza Roshi , si edhe Rrapo Baduni..

Ndërkohë në masë arresti burg me afat 20 ditor do të qëndrojnë Vasil Korita, Besnil Pelivani, Vangjush Mbirce, Mhill Ndreca, Ardian Bejkjo si edhe Fatmir Firi.

kolana e librave

Prokurorja Elisabeta Imeraj, njëherësh drejtuese e prokurorisë së Tiranës ka ngritur ndaj tyre akuzat e krijimit të skemave mashtruese, falsifikimit të vulave e stampave si edhe fshehjes së të ardhurave.

15 biznesmenët, që merreshin me rikonstukrimin dhe ndërtimin e rrugë, u arrestuan më 4 shtator me urdhër të prokurorisë, në kuadër të hetimeve disa mujore nga Sektori i Krimit Ekonomik në Policisë e Shtetit.

Biznesmenët dyshohet se përdornin faturat tatimore fiktive, duke i shkaktuar shtetit miliona euro dëme, pasi rimbursoheshin për vlera që nuk ishin reale.

Ndërkohë sot policia e coi në 16 numrin e të arrestuarëve, ndëra vuri në pranga Drilon Bareti, administrator i një firme ndërtimi, i cili ka pranuar të bashkëpunojë me drejtësinë.