Fiku është një nga frutat më të ëmbël të vjeshtës, që nuk duhet të mungojë në shportën e ushqimeve të shtatorit!
Ndonëse nivelet e sheqerit janë shumë të larta tek ky frut dhe njerëzit që vuajnë nga diabeti nuk duhet t’i konsumojnë, ka plot vlera të tjera ushqyese, lëndë, minerale e vitamina për t’u ofruar njerëzve të tjerë.
Një nga arsyet pse ju duhet të konsumoni fiq është përqindja e lartë e magnezit që ai përmban. Magnezi është një nga mineralet thelbësore që mbrojnë sistemin nervor nga radikalet e lira.
Është shumë i rëndësishëm për kockat, imunitetin, shëndetin e trurit dhe vlen për t’u përmendur se fiqtë e thatë përmbajnë trefish më shumë magnez se ata të freskët.
Në përbërje të tij, përveç ujit, fiku përmban shumë sheqer; nuk mungojnë as fibrat dhe mineralet (mes të cilave potasiumi që rregullon presionin e gjakut, fosforin, hekur, sodium etj). Fiku është i pasur në vitaminë B (B1, B2, B3 dhe B6), C dhe A.
Rregullimi i sistemit tretës është një karakteristikë e tij. Shikimi, lëkura dhe kockat përfitojnë gjithashtu prej konsumit të fikut. Fiku ka nivel shumë të ulët të yndyrave dhe përmbajtje më të lartë të fibrave se sa çdo frut tjetër.
