Trajneri legjendar i Arsenalit, Arsene Wenger, ka folur sërish në lidhje me mundësinë që kishte për nënshkrimin e Lionel Messit dhe Cristiano Ronaldos tek ish-ekipi i tij. Ai e ka pranuar për BeIn Sports se ka qenë shumë afër blerjes së tyre.
“Kemi biseduar me Barcelonën për Messin në momentin që blemë Fabregasin. Ai ka luajtur me argjentinasin në ekipin e të rinjve. E kishim kuptuar se çfarë skuadra fantastike të rinjsh kishte Barça. Në të njëjtin ekip kishin Messin, Piquen dhe Fabregasin. Pique dhe Fabregas erdhën në Angli, ndërsa Messi jo. Ne u interesuam për të, por ishte i paprekshëm”.
Francezi kujton se ka qenë dhe afër Cristiano Ronaldos. “Po e donim dhe Ronaldon. Ndonjëherë duhet të jetosh dhe me pengje në jerë. Një tjetër biznes që nuk e arritëm”, – tha Wenger.
VAZHDO TË LEXOSH MË TEPËR PËR TEMËN
Champions, sa shumë pretendentë këtë sezon!
“Marca”: Këto shifra të Messit, për “Guinness”
