Ata që ishin të shqetësuar për ndryshimin e ngrohjes globale kishin një mesazh të qartë për liderët që morën pjesë në Samitin e Kombeve të Bashkuara për Klimën në 23 Shtator.
Greta Thunberg, një aktiviste 16-vjeçare, që drejtoi protestat në New York, paralajmëroi udhëheqësit në samit: “Sytë e të gjithë brezave të ardhshëm janë mbi ju”.
Udhëzimet nga sekretari i përgjithshëm i KB ishin më specifike. Në vazhdën e samitit, António Guterres u kishte kërkuar qeverive të paraqesnin plane në fusha të tilla si çmimi i karbonit dhe ripyllëzimi, me qëllim arritjen e emetimeve neto-zero deri në vitin 2050. “Unë nuk pretendoj se sundoj botën”, tha Guterres..”Roli im është t’i tregoj botës se çfarë duhet të bëjë bota.”
Samiti njëditor u mbyll me një përmbledhje të njoftimeve të reja. Këto përfshijnë angazhimin e 66 vendeve, 93 ndërmarrjeve dhe më shumë se 100 qyteteve për të arritur emetimin e karbonit neto zero deri në vitin 2050.
Narendra Modi, kryeministri i Indisë, vendosi një objektiv të ri 450 gigawatt për kapacitetin e energjisë së rinovueshme deri në vitin 2030, më shumë se pesë herë nivelin e tanishëm. Z
Guterres theksoi sukseset e tij. “Sot, në këtë sallë, bota pa ambicie të qarta dhe nisma konkrete,” tha ai.
Edhe sikur të zbatohen të gjitha premtimet, hendeku midis asaj që premtoi samitit dhe asaj që duhet të bëhet, mbetet një shqetësim. Amerika, Kina dhe India, tre emetuesit më të mëdhenj në botë, nuk ishin ndër ata që vendosën synime për të arritur emetimet neto-zero.
Presidenti Donald Trump, i cili njoftoi se Amerika po tërhiqej nga amarrëveshja e Parisit për klimën menjëherë pas zgjedhjes së tij, ishte në samit, por nuk foli.
Aktivistët mbeten thellësisht të pakënaqur. Thunberg dhe fëmijët e tjerë paraqitën një ankesë duke akuzuar se pesë vende kishin shkelur të drejtat e tyre të njeriut duke mos ndalur krizën e klimës. Ata paraqitën peticionin e tyre kundër Gjermanisë, Francës, Brazilit, Argjentinës dhe Turqisë, pesë vende që lejojnë që ankesa të tilla të ngrihen kundër tyre në bazë të Konventës për të Drejtat e Fëmijëve, një traktat ndërkombëtar.
VAZHDO TË LEXOSH MË TEPËR PËR TEMËN
Çereku i buxhetit të BE për ndryshimet klimatike?
Energjia e rinovueshme, gjithnjë e më e lirë
