Ka një thënie popullore në Turqi se ai që vjen (në pushtet) me një krizë ekonomike ikën me një krizë ekonomike.
Kjo ishte shumë e vërtetë kur Presidenti Rexhep Tajip Erdogan erdhi në pushtet pas krizës shkatërruese ekonomike të Turqisë në 2001.
Por a do të çojnë kushtet e tanishme ekonomike në ndryshime në udhëheqjen e vendit? Për të gjetur një përgjigje, ne kohët e fundit vizituam Ankaranë dhe Stambollin ku u takuam me disa njerëz përfshirë politikanë dhe ekonomistë.
Edhe pse nuk ka zgjedhje të planifikuara deri në vitin 2023, Presidenti Erdogan po ndjen rrezikun nga ngadalësimi ekonomik, fitorja e fundit e zgjedhjeve të opozitës në qytetet e mëdha, dhe përçarjet në aleancën e tij me MHP, dhe madje edhe brenda AK-së së tij.
Në sistemin e ri presidencial të Turqisë, Erdogan ka pak hapësirë për manovrim.
Sfidat ekonomike të Turqisë janë më të ndërlikuara se kurrë.
Në një skenar pozitiv, me një ndryshim në udhëheqje, politikëbërësit veprojnë shpejt dhe me vendosmëri duke e vendosur fokusin e tyre kryesisht tek sistemi bankar dhe ringjalljen e investimeve të huaja direkte.
Ne nuk presim mrekulli por jemi të gatshëm të kalojmë shumë kohë në skenarë të ndryshëm ekonomik që varen shumë nga lidershipi politik pasi udhëheqja politike varet nga vetë ekonomia.
Zhvillimet alternative politike po bëhen më të mundshme se kurrë.
Prandaj, ne jemi duke kërkuar veçanërisht për ngjarje që do të çojnë në kthimin e besimit të investitorëve, të cilat mund të ndryshojnë përsëri të gjitha të tjerat për mirë.
Emre Akcakmak është një këshilltar në East Capital
VAZHDO TË LEXOSH MË TEPËR PËR TEMËN
A do ta zgjidhë takimi Rusi-Turqi çështjen e Idlibit?
A do ta gjejë Turqia rrugën drejt Perëndimit?
‘Ndarja’ e Turqisë nga Perëndimi, aspak e papritur
