Presidenti i Serbisë, Aleksander Vuçiç, teksa ka folur për takimet që ka mbajtur në New York, në kuadër të Asamblesë së Përgjithshme të Kombeve të Bashkuara, ka ‘thumbuar ‘ presidentin e Kosovës, Hashim Thaçin.
Vu֛çiç ka thënë se do të dëshironte të takonte Thaçin, por sipas tij, ai “po endet korridoreve” njësoj si Vuk Jeremiç.
“Sido që të jetë, Thaçi njësoj si Jeremiç shëtitet korridoreve në New York”, u shpreh ai.
Ndërkohë derisa ka treguar detaje për takimin që ka pasur me kancelaren gjermane, Angela Merkel, Vuçiç ka thënë se një prej temave kryesore ka qenë dialogu ndërmjet Prishtinës dhe Beogradit.
Sipas tij Bashkimi Evropian dhe në veçanti Gjermania dëshirojnë dhe insistojnë në gjetjen e një zgjidhjeje ndërmjet Kosovës dhe Serbisë.
Kreu i shtetit serb ka thënë se në këtë takim me Merkelin është diskutuar edhe për rifillimin sa më të shpejtë të bisedimeve në mes Kosovës dhe Serbisë në mënyrë që të gjendet një zgjidhje.
“Nuk ka dyshim se Evropa dëshiron të zgjidh problemin dhe se Gjermania do të insititojë për një gjë të tillë”, ka thënë ai. Vuçiç ndër të tjera ka thënë se perëndimorët presin që të ketë dialog ndërmjet Kosovës dhe Serbisë dhe të gjendet një zgjidhje përmes këtyre bisedimeve.
“Ata presin që ne të flasim, dhe të flasim derisa të arrijmë një zgjidhje”, ka shtuar presidenti serb.
Më tej, Vuçiç treguar se ka ftuar Merkelin që të vizitojë Serbinë, ndërkohë ka thënë se ka takuar edhe kryeminstrin e Maqedonisë Veriore, Zoran Zaev, dhe kryeministrin e Shqipërisë, Edi Rama.
VAZHDO TË LEXOSH MË TEPËR PËR TEMËN
Thaçi kërkesë Selisë së Shenjtë: Njihni Pavarësinë e Kosovës!
