MENU

Kur duhet dorëzuar dosja?

Zgjaten me dy muaj afatet e paraburgimit për grupin “Bajri”

20.09.2019 - 13:31

Janë zgjatur me dy muaj afatet e paraburgimit për grupin kriminal “Bajri”.

Mësohet se Gjykata e Shkallës së Parë për Krime të Rënda Tiranë, me trup gjyqësore të përbërë nga Iliriana Olldashi, ka pranuar pjesërisht kërkesën e Prokurorisë së Krimeve të Renda dhe pjesërisht kërkesën e mbrojtësit, avokatit Arbër Hoxha, duke zgjatur vetëm me dy muaj afatet e paraburgimit për 4 personat nën hetim, Safet Bajri, Ilir Bajri, Ismet Idrizi dhe Asmer Bilali.

Në këto kushte, pritet që në zbatim të vendimit të sotëm të Gjykatës, Prokuroria e Shkallës së Parë për Krime të Renda Tiranë të dorëzojë maksimalisht brenda datës 20 nëntor dosjen në Gjykatë për Grupin “Bajri”.