Një muaj më parë, djali i Angelina Jolie dhe Brad Pitt, Madoxx, u nis për studime në universitet në një tjetër vend dhe largimin e tij nga shtëpia aktorja nuk e priti fort mirë.
Ajo ka një lidhje të veçantë me Madoxx dhe vetëm një muaj pas largimit të tij, ka treguar se po i mungon shumë.
Teksa ishte në në premierën e filmit “Maleficent Mistress of Evil”, Jolie u shpreh se vetëm dy ditë e ndanin nga përqafimi i të birit, të cilin po e priste me padurim.
“Ai do të udhëtojë me avion për në Japoni që të më takojë. Jam dy ditë larg përqafimit me të. Ai është mirë. E di që është i fortë, është në rregull, por unë kam nevojë për një përqafim.”- ka rrëfyer aktorja për “Extra”.
Madoxx ishte një ndër arsyet pse Jolie i dha fund me Pitt, pas një debati të fortë mes Madoxx dhe aktorit.
Madje, marrëdhëniet babë e bir u ftohën aq shumë, saqë Pitt e mësoi nëpërmjet mediave se i biri do të shkonte në universitet.
