Serbia porosit blerjen e pajisje ushtarake me vlerë 600 milion dollarë nga Rusia
Zëvendëskryeministri rus Yuri Borisov konfirmoi se sistemi raketor i mbrojtjes ajrore ruse (PVO) është tema kryesore në bisedimet midis Rusisë dhe Serbisë. Ai tha gjithashtu se ushtria serbe me 30,000 trupa ka bërë një paketë porosish prej mbi 600 milion dollarë.
“Duke u nisur nga madhësia e ushtrisë serbe, asnjë vend nuk ka porositur një paketë të tillë blerjesh,” i tha Borisov gazetës Sputnik.
Shitja e një sistemi të fuqishëm të mbrojtjes ajrore dhe armëve të tjera nga Federata Ruse për nevojat e Forcave të Armatosura të Serbisë ka qenë prej kohësh një temë e rëndësishme e mediave dhe publikut. Bëhet fjalë për sistemin e mbrojtjes ajrore raketore “Armor S”, blerja e së cilës, siç shkruan Sputnik, tashmë është rënë dakord.
Serbia deri tani ka blerë katër helikopterë të rinj sulmues MI-35M dhe tre helikopterë transporti MI-17 nga Rusia, kurse Moska i ka dhuruar Beogradit gjashtë avionë MIG29, 30 tanke T-72S dhe 30 mjete luftarake të blinduara BRDM 2.
