MENU
klinika

Vrasja në Kavajë

Dëshmi kontradiktore, Prokuroria urdhëron shoqërimin e Marsida Qatjas

11.10.2019 - 16:31

Prokuroria e Kavajës ka lëshuar urdhër ndalimi për Marsida Qatjan, në banesën e së cilës një ditë më parë u vra Dritan Haxholli dhe u plagos efektivi i policisë së burgut Bledar Toçi.

30-vjeçarja do të rimerret sërish në pyetje, pasi sipas organit të akuzës ka të dhëna kontradiktore në dëshmitë e saj dhënë për policinë e më pas për median.

Për policinë Mardisa ka deklaruar se viktima Haxholli i kërkonte marrëdhënie seksuale, ndërsa për median ajo u shpreh se kishte vetëm marrëdhënie shoqërore më të.

Qatja gjithashtu tha për gazetarët se nuk ka lidhje me drogën dhe se në shtëpinë e saj nuk ka pasur kokainë, edhe pse nga provat e mbledhura nga policia rezultoi krejt e kundërta.

Ndërkohë në dëshminë e saj për hetuesit, ajo është shprehur se është përdoruese e kokainës.

Vrasja në Kavajë shënua pak pas mesnatës së të mërkurës në lagjen nr 2 të qytetit në banesën e Marsida Qatjas.

kolana e librave

Viktimë e krimit mbeti shtetasi Dritan Haxholli, 41 vjeç, i divorcuar shkoi në banesën e të resë me të cilën kishte pasur një lidhje intime.

Pasi ka mësuar se Qatja ishte në shtëpi me tre persona, ai ka marrë me vete një kallashnikov. Menjëherë sapo ka hyrë brenda Dritan Haxholli ka qëlluar me breshëri duke lënë të plagosur Bledar Toçin, shef i sigurisë në burgun e Durrësit.

Më pas 41-vjeçari ka tentuar të largohet por është qëlluar nga polici i burgjeve me pistoletën e shërbimit duke e lënë të vdekur në vend.

Marsida Qatja është nënë e 3 fëmijëve, dy prej të cilëve jetonin me burrin e parë dhe një vajzë 2 vjeçare e mbante në banesë pasi e kishte lindur me burrin e dytë. Gjyshi i saj tha se mbesa nuk i kishte shprehur ndonjë shqetësim apo t’i kishte kërkuar ndihmë.

VAZHDO TË LEXOSH MË TEPËR PËR TEMËN