Ish-presidenti i Barcelonës, Joan Laporta, është rikthyer të flasë sërish në lidhje me situatat që ka kaluar në krye të klubit katalanas.
Ai ka kujtuar ofertën e jashtëzakonshme që zikaltrit i bënë atij për Lionel Messin dhe ofertën e çmendur prej 250 milionë euro.
“Ishte viti 2006, pronari i Interit Moratti më ofroi 250 milionë euro.
Ai më ofroi këtë shifër parash dhe unë thashë jo. Nuk e konsiderova për asnjë minutë, por problemi im i vetëm ishte që po flisnin dhe tentonin me babain e Messit, Jorge.”
“Unë fola me babin e tij dhe i thashë që me shumë mundësi do të fitonte më shumë para tek Interi, por ne kemi struktura për t’u bërë një lojtar i madh, një familje që e ka ndihmuar atë që kur ishte 13 vjeç.
Fatmirësisht ata vendosën të qëndrojnë. Imagjinoi sa shumë historia do të ndryshonte nëse ne do të shisnim Messin”, – tha ai.
