Ndeshjet më të bukura të sezonit futbollistik jo vetëm në Spanjë por edhe nëpër botë janë padyshim përballjet e Barcelonës me Realin e Madridit.
E quajtur ndryshe “El Clasico”, e para e këtij sezoni pritet të luhet më datë 26 tetor në stadiumin “Camp Nou”. Por, situata politike në Katalonjë ka shkaktuar disa trazira, ndërsa në ditën e ndeshjes është parashikuar edhe një manifestim i madh.
Kaosi në qytet do të ishte i lartë atë ditë, duke pasur parasysh edhe tifozët e Realit nëpër rrugët e Barcelonës. Në këtë formë, La Liga po mendon zgjidhjen për të ndryshuar kalendarin dhe “El Clasico” e parë të zhvillohet në “Santiago Bernabeu”, ndërsa ndeshja e kthimit në muajin mars të luhet në “Camp Nou”.
Të dy klubet kanë kohë deri ditën e hënë për të paraqitur vendimet e tyre, megjithatë, Barcelona e cila është klubi që mund të kundërshtojë këtë mundësi, ende nuk ka ndërmarrë një veprim zyrtar.
VAZHDO TË LEXOSH MË TEPËR PËR TEMËN
Barça triumfon me “manita” në “El Clasico”
Tension para “El Clasico”-s, sulmohet Reali
