MENU
klinika

Poeti martir

Eni të vajtojmë Shqipërinë

17.10.2019 - 14:26

       (fragment )

Eni ju o motra , eni ju o gra

Eni ju o vasha , që dini me qa

Eni ju reçjanka , vajtimtare n’za

Eni t’marrim vajin , sot hije na ka

Eni gjithë s’bashku , le t’a shpallim zinë

Me gjamë e me kujë t’a vajtojmë Shqipninë

Le t’a qajmë me lot , ta qajne pa pushu

Me afshin e zemres , të rrëzojmë gur e dru

Le t’a qajme këtë nanë , le t’a qajme këtë bijë

Le t’a qajme këtë nuse pa foshnje në gji

Le t’ia heqim vellon , stolisjet e kota

Le t’ia zbulojmë shtatin , t’a shohë gjithë bota

*****

Nda e përçundue , larg prej shoqesh tjera

Shikoni si dergjet , si lëngon e mjera

Mundohet qyqarja , rron me shpirt ndër dhambë

Banditet e vendit e kan vu nën kambë

E mposhten , e shtruen , me hekur e zjarr

Neronet e kohes ia banë jetën varr

E veshen me gjemba , me tela e ferra

E kyçen nga brenda , se lanë as te dera

N’derë , as ne dritare , se lanë me pa fare

Ia kanë qepë sytë , per faqe te zezë e m

*****

Lidhun me zinxhirë , shkoqun krahë e fletë

Në ditën plot diell , në lumë e terr ka mbetë

E thithen shushunjëzat , i ligu mizori

E thanë , e çnderuan , epshori e hori

*****

 

A e dini shqiptarë , ç’ngreminë kemi ra

Hangrem njeni-tjetrin , u mbytem vëlla me vëlla

Hangrem njëni-tjetrin me kurthe e t’pabesë

kolana e librave

Me thase e intriga shamata rri ndezë

*****

O Zot , çka po heqim , çfarë na shohin sytë

S’na gezohet mbramja , as kur zbardhen dritë

S’na tremb burgu , plumbi e as litari

Kur na shkel me kambë , na zhagmit zuzari

Ngrehuni o vllazen , ngrehuni o shokë

Ngrehuni shqiptarë sot të gjithë në kambë

Nuk rrohet me zor , nuk lihet kjo nanë

A lulezon dheu pa diell e hanë?

Jo jo , nuk durohen sarhoshet e marrë

Banditet e vendit ti shporrim sa me parë

Selinë e përgjakun , ta bëjmë rrafsh me token

Ngrehuni o vllazen , ngrehuni o shokë

*****

A jeton shqiponja e shembun përtokë

Thye krahë e pendë , lidhun kamb e kokë?

A jeton kjo zonjë në llum e batak

Në lëngim e vaj , e mbytun në gjak?

*****

Ku e keni trimninë , krenarinë e parë?

A jeni sot të denjë të quhemi shqiptarë?

A do ta lemë veten , Shqipninë në kafaz

Në det plot stuhi me dallgë me u perplasë?

*****

Shikoni rreth e rrotull , shikoni pranë nesh

Shihni popujt tjerë me ç’gjuhe mirren vesh

Kanë shpallur miqësinë , vini vesh ksaj fjale

Po kapen dorë për dore , po hyjne në një valle

Asht vallja e re , krejt ndryshe nga tjetra

Asht vallja hirplotë që i shëron plagët e vjetra

 

Havzi Nela

(Burrel , shkurt 1977)