Na ndajnë edhe pak ditë nga sezoni i ri i NBA dhe në Amerikë e jo vetmë kanë nisur të bëjnë parashikimet se cila skuadër do të triumfojë.
Një javë para startit, 30 trajnerët e 30 skuadrave në NBA kanë bërë si zakonisht parashikimin e tyre në lidhje me sezonin e ri 2019-2020. Skuadra më e votuar si kampione e ardhshme në NBA është ajo e Clippers, që ka marrë 46% të votave.
Në vendin e dytë renditet ekipi i Milwaukee me 36% dhe në të tretin skuadra e Lakers, me 11 %. Pra, në Lindje skuadra e Milëaukee Bucks shihet si favorite, ndërkohë që mes skuadrave kandidate në këtë Konferencë janë edhe Philadelphia e Boston.
Jashtë podiumit ekipi kampion i Toronto, ashtu sikurse edhe Brooklyn. Në Perëndim, pritet një sdë e fortë derbi mes Clippers dhe Lakers për titullin. Në parashimin e trajnerëve është edhe skuadra e Denver.
Pas kësaj treshe renditen Houston e Golden State, që nuk konsiderohen si favorite. Për trofeun MVP, 52% e trajnerëve votojnë si triumfues grekun Giannis Antetokounmpo, basketbollistin që triumfoi edhe sezonin e kaluar.
