MENU
klinika

Mbrëmë i pëshpërita një ylli...

Luiza Xhuvani vendos të mos e braktisë skenën!

24.10.2019 - 19:14

     Aktorja e mirënjohur shqiptare, Luiza Xhuvani, rikthehet sërish në skenë, pak muaj pas humbjes së njeriut të saj të shtrenjtë, bashkëshortit, Gjergj Xhuvani.

Xhuvani do të vijë në skenë, në një mbrëmje poetike. Me partnerin e saj skenik, Ndriçim Xhepa, aktorja do të dhurojë sërish emocione.

“Mbrëmë i pëshpërita një ylli” është vepra e përzgjedhur nga aktori i ri, Kristian Koroveshi, që bën bashkë dy mjeshtrat e skenës, Luiza Xhuvani dhe Ndriçim Xhepa.

 

Njoftimi i plotë:

Aktori Kristian Koroveshi me “Mbrëmë i pëshpërita një ylli”, ngjit në skenë aktorët Luiza Xhuvani dhe Ndriçim Xhepa. Të enjten në datën 7 nëntor 2019, në orën 19:00 publiku kryeqytetas do të shijojë interpretimin e dy mjeshtrave të skenës, Luiza Xhuvani e Ndriçim Xhepa, si dhe aktorit të ri më të mirë, vlerësuar me këtë çmim në Festivalin Mbarëkombëtar të Teatrit, Kristian Koroveshi.

 

 

Lirika e dashurisë së Rumit, mishëron njeriun si qenie humane dhe si një vepër e natyrës, vjen në skenën e Qendrës Kulturore të Katedrales Ortodokse “Ngjallja e Krishtit” në Tiranë.

 

 

Tre aktorët e skenës shqiptare premtojnë emocione të papërsëritshme në këtë natë të teatrit të poemës dramatike. Ju ftojmë në një mbrëmje për dashurinë, dialog poetik për jetën dhe një rrëfim i shpirtit.

VAZHDO TË LEXOSH MË TEPËR PËR TEMËN


“Butrinti fsheh të shkuarën greke”

“The Times”: E vërteta u takon arkeologëve vendas