Që nga fitorja e tij në zgjedhjet e vitit 2017, Presidenti Francez Emmanuel Macron ka kërkuar gjithmonë të promovojë vizionin e tij integrues për Evropën, por diplomacia e tij po “teston” durimin e disa prej partnerëve të tij në BE.
Nga mirësjellja e tij për presidentin rus Vladimir Putin deri në refuzimin e tij të bisedimeve të pranimit për shtetet e Ballkanit dhe hezitimin e tij për të zgjatur afatin e Brexit, gatishmëria e Macron për të injoruar konsensusin ka antagonizuar edhe aleatët.
Qasja e Macron madje ka filluar të destabilizojë partneritetin franko-gjerman që ka qenë gjithmonë në thelb të BE-së.
Kur Macron bëri thirrje për një qasje të re të BE-së ndaj Rusisë, “shumë njerëz thanë që dukej si pjesë e një modeli të ri të veprimeve të njëanshme.”
Zyrtarët dhe diplomatët francezë pranojnë që Macron shihet si arrogant nga evropianët e tjerë.
Macron mezi pret të merret me axhendën e tij, por snuk ka alternativa bindëse.
Mbretëria e Bashkuar po planifikon të largohet nga BE brenda disa muajsh, duke e lënë Kryeministrin e Mbretërisë së Bashkuar Boris Johnson pothuajse tërësisht të përqendruar tek Brexit, ndërsa Merkel po i afrohet fundit të karrierës së saj politike.
Paris e shikon gjithnjë e më shumë Berlinin si një gjendje paralize politike, me një koalicion të brishtë.
Një ish-diplomat francez që ka bashkëpunuar me Macron tha: “Marrëveshja midis Francës dhe Gjermanisë nuk është kurrë e lehtë dhe ne kemi pasur një kundërpeshë e cila për një kohë të gjatë ishte Britania. Plus Merkel po zhduket në pluhurin e historisë. Kështu që ne jemi vetëm. ”
Pavarësisht gjithçkaje, Macron është nën presionin e partnerëve të tij në BE për një qasje pakmë këshilluese.
Një diplomat i BE tha se rezistenca e fortë franceze ndaj Brexit nuk ishte “një incident i izoluar”, por pjesë e një modeli.
Eurodeputeti, shtoi: “Ju nuk e formoni Evropën duke ngacmuar Evropën, ju formoni Evropën duke ndërtuar aleanca.”
Nga Financial Times
VAZHDO TË LEXOSH MË TEPËR PËR TEMËN
“Merkel në krye të Komisionit Europian do të ishte ëndërr”
“Merkel, më e mira për në krye të Këshillit Europian”
“Zaev më i preferuari i Merkel”
