Ka mbërritur në Tiranë, aktori i njohur francez Gérard Depardieu. Një film që vjen si bashkëprodhim kosovaro-francez, nën regjinë e Arben Kastratit, na rikthen në një ngjarje të vitit 2003, kohë që përkon me Kosovën e pasluftës.
Rrëfimi i personazhit kryesor dhe përjetimit të tij mbi ngjarjet, përshkon filmin duke përcjellë tragjizëm, skena komike dhe realitetin e një popullsie që jetonte ditët e para të lirisë.
Depardieu, pritet të marrë zyrtarisht “Çelësin e qytetit të Gjirokastrës”, në një ceremoni që pritet të mbahet ditët e xhirimeve. Kështu, Gjirokastra e historisë, kulturës, si edhe të skenografisë gjithmonë e më të kërkuar të kinemasë, mirëpret të famshmin Gérard Depardieu.
Aktori i madh francez, do të luajë në filmin e regjisorit nga Prishtina, Arben Kastrati, i cili ka zgjedhur qytetin e gurtë për shesh xhirimi, titulluar “Milosheviçi dhe unë”
VAZHDO TË LEXOSH MË TEPËR PËR TEMËN
‘Derisa të besosh te vetja, nuk ke për të pasur një jetë’
‘’Delegacioni’’, filmi që nis rrugëtimin ndërkombëtar
” Arti i përkthimit gojor dhe Ankthet e përkthyesit”
