Kryeministri Zoran Zaev ka paralajmëruar sot se në qytetin e Shkupit do të vendoset tramvaj elektrik.
Vlera e projektit do të kap shifrat e 100 milionë euro.
Kjo do të bëhet me qëllim uljen e nivelit të ndotjes në qytetin e Shkupit.
“Qëllimi është që Qeveria të tërheq linje kreditore në vitin 2020, ndërsa procedurën e tenderit të filloj që tani që të mund të përfundoj e gjithë procedura brenda periudhës dimërore dhe që Shkupi të mund të futet në implementimin dhe realizimin e projektit për tramvaj elektrik. Shpresoj se do të mund ta bëjmë këtë nga Van Holl i cili i prodhon këtu, por dihet se procedura në përputhshmëri me furnizimet publike është e qartë”, ka thënë Zaev.
Kujtojmë se, Shkupi dhe Komanova, ishin pjesë e listës së 10 qyteteve më të ndotura në botë. Vitin e kaluar, pushteti miratoi masa parandaluese përkatësisht transporti publik ishte falas, u rrit dyfish çmimi i parkimeve, u ndaluan të gjitha punimet e ndërtimit si dhe u kufizua përdorimi i automjeteve zyrtare të institucioneve të shtetit.
VAZHDO TË LEXOSH MË TEPËR PËR TEMËN
‘Zaev ka marrë vota nga shqiptarët, duhet t’u përgjigjet kërkesave’
