MENU
klinika

Sofra dibrane

Një takim i shkurtër me Peshkopinë e vjetër

23.10.2019 - 19:11

      Në qendër të qytetit të Peshkopisë, ndodhet Muzeu i Dibrës, që ju mundëson një takim interesant me të shkuarën e kësaj zone, përmes pavijoneve historike, etnografike dhe arkeologjike.

Nëse keni në plan të vizitoni Peshkopinë, duhet të mendoni dhe një ndalesë në Muzeun e Dibrës, i cili ndodhet në bulevardin kryesor të qytetit. Falë 2 000 objekteve dhe 3 pavijoneve të ndryshme, muzeu kërkon rreth një orë e gjysëm për t’u parë i plotë.

Pavijoni i Arkeologjisë
Këtu do të njiheni me plot zbulime arkeologjike të bëra në qarkun e Dibrës, që prej neolitit të hershëm. Ndër objektet më interesante mund të përmenden Pitosi nga zona e Grazhdanit, që daton rreth shekullit të III dhe të II para erës sonë, vegla pune prej stralli, punime të vjetra qeramike, sëpata apo helmeta të vjetra, qyngj uji etj.

 

Pavijoni i Historisë
Ndërkohë që Dibra njihet dhe për figurat e shumta me peshë historike, kulturore e shoqërore që ka nxjerrë përgjatë shekujve, ndaj një pjesë e muzeut i dedikohet përcjelljës së jetës dhe veprës së këtyre emrave. Mjafton të përmendim se Heroi Kombëtar Gjergj Kastriot Skënderbeu lindi pikërisht në Sinë të Dibrës, ndaj nuk mund të mungonte një hapësirë dedikuar tij në këtë muze. Gjithashtu në fokus janë dhe emra të tjerë si kryetari i Lidhjes Shqiptare të Prizrenit, Iliaz Pashë Dibra, nënkryetari i Qeverisë së Përkohshme të Vlorës Dom Nikollë Kaçorri, Elez Isuf Ndreu, e plot figura të tjera jeta dhe vepra e të cilëve mund të njihet më në detaje.

Pavijoni Etnografik
Muzeu ka dhe një pavijon etnografik ku vizitorët mund të njihen me traditat e shoqërisë dibrane në shekuj, objektet blegtorale apo ato të kuzhinës, mund të shohin të rikrijuar odën e mirënjohur dibrane të miqve etj. Vëmendje e veçantë i është kushtuar veshjeve tradicionale të burrave dhe grave, ku çdokush mund të njihet me kostumet e Dibrës, jelekë burrash apo grash, tirqe të ndryshme, e plot elemente veshjesh me interes. Oxhaku karakteristik me jataganët është gjithashtu një nga hapësirat më të kuruara të muzeut.

 

Pinakoteka
Së fundmi, vlen të përmendet se muret e muzeut janë të pasuruara me piktura të piktorëve me emër dibranë.

 

Ky qytet i vjetër, ka qenë udhëkryqi kreysor i këtij regjioni nëpër të cilin kalonte edhe Via Egnatia. Më vitin 1502, njihet si qendër e rëndësishme qytetare. Në vitet ‘30-‘40 të shek. XIX, ka afro 8 400 banorë dhe 250 dyqane, kohë kur ishte një nga qendrat më të rëndësishme ekonomike.
Deri më 1911, Dibra ka qenë një nga vendet më të zhvilluara si nga ekonomia, artizanatet, tregtia, ndërtimet dhe arkitekturën e saj të veçantë, por edhe në planin social dhe kulturor. Në këtë kohe, Dibra numëronte 11.000 banorë dhe 462 shitore. Por, mbas turbullirave dhe luftave ballkanike, ky vend e humbi shkëlqimin e athershëm.

 

Nëse ju bie rruga, mos e lini pa vizituar muzeun që përmban dhe prezanton traditat dhe historinë e Dibrës e sofrës dibrane!

GJKKO e dënoi me 1.6 vite burg për dëmin 234 milionë lekë

Lirohet nga qelia ish-kryebashkiaku i PS

Fermeri nga Shkodra: S'ka nevojë që të dal në treg!

“Kam shitur 24 ton qepë vetëm përmes Facebook”

EMRAT/ Arrestohet 38-vjeçari, në kërkim bashkëpunëtori

Zbulohen sera me kanabis në Velipojë, mbi 37 mijë fidanë

Shumëllojshmëri të jashtëzakonshme peizazhesh

“Viajeros”: 14 vendet e mahnitshme në Shqipëri

Aktiviteti i djalit të 62-vjeçares! Dëshmia e tij

Tritoli në Shkodër ishte paralajmërim! Pista e hetimit